اكتب رقم الجلوس أو الاسم فوق عشان تشوف النتيجة.
مساعدة وأسئلة بتتسأل كتير
نتيجتي مش ظاهرة، ليه؟
راجع رقم الجلوس رقم رقم الأول. لو الرقم صح والنتيجة مش ظاهرة، يبقى يمكن رقمك مش في الكشف ده، أو نتيجتك لسه تحت المراجعة عند الجهة المختصة. في الحالة دي كلّم إدارتك التعليمية.
البحث بالاسم بيشتغل إزاي؟
اكتب ثلاثة أسماء على الأقل، وأولهم لازم يكون أول اسم للطالب.
أول اسم مالوش بديل — لازم اسم الطالب يبدأ بيه. يعني لو دورت بـ «محمود السيد عبدالجواد» مش هتلاقي الطالب «احمد محمود السيد عبدالجواد السيد»، لأن أول اسم عنده «احمد» مش «محمود».
لكن باقي الأسامي مش لازم تكون ورا بعض. اكتب اللي فاكره حتى لو نسيت اسم من النص: لو دورت بـ «احمد السيد عبدالجواد» هتلاقي «احمد محمود السيد عبدالجواد السيد» رغم إن «محمود» اتخطى، والترتيب كمان مش فارق.
وماتقلقش من الهمزات: «أحمد» و«احمد» بيدّوا نفس النتيجة، وكمان «مصطفى» و«مصطفي»، و«منة» و«منه».
بيظهرلك أول 15 نتيجة. لو النتايج كتير كمّل باقي الاسم عشان تقلّلها، أو استخدم رقم الجلوس فهو الأدق.
النسبة والتقدير بيتحسبوا إزاي؟
النسبة = المجموع ÷ المجموع الكلي × 100، والمجموع الكلي بيختلف حسب النظام: النظام الحديث من 320 والنظام القديم من 410. والتقديرات (الدرجات هنا محسوبة على النظام الحديث):
- ممتاز 85% وأكتر (272 درجة وأكتر)
- جيد جدًا 75% وأكتر (240 درجة وأكتر)
- جيد 65% وأكتر (208 درجة وأكتر)
- مقبول 50% وأكتر (160 درجة وأكتر)
التقدير بيظهر للناجح بس، لأنه مالوش لازمة لطالب الدور التاني أو الراسب.
حالات النتيجة معناها إيه؟
- ناجح دور أول — عدّى من أول مرة.
- دور ثان — عليه يعيد امتحان بعض المواد في الدور التاني.
- راسب دور أول — معدّاش الدور الأول.
- غياب كلى — مادخلش الامتحان.
أقدر أعرف نتيجتي من واتساب؟
أيوه. ابعت رقم جلوسك في رسالة واتساب على +1 (779) 702-7885 والرد هيوصلك على طول. افتح المحادثة.
وتقدر كمان تبعت الاسم على واتساب — هيجيلك قايمة بالأسامي المشابهة وتختار منها رقم النتيجة اللي تخصك.
أطبع النتيجة أو أبعتها لحد إزاي؟
في صفحة النتيجة فيه زرّين: «اطبع النتيجة» عشان تطبعها أو تحفظها PDF، و«انسخ لينك النتيجة» عشان تاخد لينك يفتح نتيجتك لوحدها. اللينك مافيهوش رقم الجلوس، يعني لو بعته لحد مش هيعرف رقمك.
النتيجة دي رسمية؟
النتيجة هنا للاطلاع السريع بس، والمعتمد في الآخر هو اللي بيطلع من الجهة المختصة واللي بيتسلّملك من إدارتك التعليمية.